Ka bording na ka sngi kaba 6.05 kW bad ka jaka buh bording ba la buh thymmai mynta ka pyndap haduh 100% ïa ka jingdonkam bording jong ka jaka treikam.

Jaidoh, 25 Lber 2025: Ka Gnanamma Healthcare Centre ka pynbna ïa ka jingpynkylla ïa ki jingdonkam ban sumar nongpang sha ka Near Net-Zero Electricity. Ïa une u mawmer la ïoh lyngba ka jingpyndait ïa ka 6.05 KW ka bording ba ïoh na ka sngi bad ka jingpyllang ïa ka lyngba u battery, kaba lah ban pyndap bad pynbiang da 100% ïa ki tiar kiba pyndonkam da ka bording. Ïa ki tiar ba pyndonkam kiba wanrah ka jingkhuid ïaka mariang (Green Facility) la pyllait paidbah ha ka jingïadonlang I Dr Dr. (Mrs). Mehriba K. Sohliya, District Medical, Ophisar ka tnad ka Koit ka Khiah, West Khasi Hills ki bor pynïaid jong ka hospital bad ka WRI India

Ryngkat ka jingkyrshan na ka WRI India, kane ka jaka ka la buh ïa ka kor pynmih bor ding na ka sngi, ka jaka buh ïa ki battery, bad ki tiar kiba pyndonkam ïa ka bording, kiba kynthup naduh ki bording ha ïing, ki pangkha, ki flood lights, ki Filter umdih, ki tiar ba pynkhluit ïa ka um, bad ka autoclave. Kane ka jingkylla ka pynthikna ba ka jaka sumar jong ka Gnanamma ka treikam jan baroh kawei lyngba ka bording kaba lah ban pynthymmai, ka jingbuh ïa ka nuksa na ka bynta ka jingsumar kaba ïaineh ha ka thain.

Ka Sahaya Lilly, kaba dei ka nongpynïaid jong ka jaka sumar Gnanamma, ka la ong, “Shwa ban pyndait ïa kine ki jingdonkam, ngi shaniah nyngkong eh ha ka jingpynbiang ïa ka bording khlem da donkam ban pyndonkam ïa ka generator, kaban lam sha ka jingthut ha ka rukom ai jingshakri ha ka por ba lip ka bording. Kane ka jaka mynta ka la lah ban pynbiang haduh 100% ïa ka jingdonkam bording na ka sngi da 6.05 KW bad ka rukom pyllang/buh ïa ka bording ha da ki battery kaba lah ban pynmih 21.6 kWh. Nalorkata, ki tiar thymmai kiba pyndonkam ïa ka bording bad ki tiar sumar kin ïarap ïangi ban pynneh ïa ka jingpyndonkam bording kaba duna haba ïanujor bad ki nuksa/bynta ba ju pyndonkam.”

Ka Gnanamma Healthcare Centre kaba don ha ka jaka kaba jngai, ka dei kawei na ki katto katne tylli ki jaka sumar ha katei ka thain kaba ai jingsumar ha kaba ïadei bad ki dawai tika. Ha ka por ba lip ka bording, Ki jaka ban pynkhriat ba la shna da u thah ne ki (ILRs) ki lah ban pynneh ïa ka jingshit/jingkhriat kaba 2°C haduh 8°C. ka Dr. (Mrs.) Mehriba K. Sohliya kaba dei ka U ophisar ka koit ka khiah jong ka District ka West Khasi Hills ka la ïathuh ba ka “Ka jingbuh ia kane ka jaka pynmih bording na ka sngi bad ka jaka buh battery ka dei ka sienjam kaba kongsan bha ban pynthikna ia ka jingpynbiang bording kaba khlem jingthut na ka bynta ki jingshakri kiba donkam, kum ka jingsumar kyrkieh, ka jingai bor ia ki tiar sumar, ki jingshakri ha ka por miet bad ka jingbuh ia ki dawai. Lyngba kane ka jingthmu, ki ILR ba la pynbiang da ka Ophis ka Koit ka Khiah jong ka District hapoh ka cold chain point jong ka National Health Mission mynta ki lah ban treikam 24X7, pynthikna ia ka jingshit jingkhriat kaba iadei kaba donkam na ka bynta ban buh ia ki dawai pynïap khniang.”

“Lyngba ki tiar kiba pyndonkam na ka bording bad ka jingpynbiang ïa ka bording ba lah ban pynthymmai, ka jaka sumar kan ym ioh jingmyntoi tang na ka bording kaba lah ban shaniah ban ai ka jingsumar kaba bha hynrei kan long ruh ka jaka sumar kaba lah ban ïeng/ïaleh pyrshah katba ka dang pynduna ïa ka jingpynmih ïa ka lyer carbon, kaba thaw ïa ka jinglong jingman kaba bha ha ka mariang na ka bynta ki nongshong shnong. Ngi kyrmen skhem ba ka Gnanamma Healthcare Centre kan long kum ka nuksa na ka bynta kiwei pat ki jaka sumar ha Meghalaya bad kiwei pat ki bynta jong ka Ri India,” ong U Rishikesh Mishra, Program Manager, Energy, WRI India.

La khmih lynti ba kane ka solar plant kan pynmih ïa ka bording haduh 5.48 Megawatt ha ka shi kynta (MWh) man la u snem, ryngkat bad ka jingthmu ban lah ban pynduna ïa ka jingpynmih carbon ha ka shisnem ym duna ia ka 1.99 metrik ton bad ban pynduna ia ka jinglut kaba ym duna ia ka 19,162/- shisnem ha ka jinglah kaba mynta.

Ka jaka ba long lum jong ka jylla Meghalaya bad ka jinglah ban shah ktah ha ki jingjia ba sngewsih kum ka jingtwa khyndew bad ka jingshlei um ka lah ban wanrah ïa ka jingthut ha ka ban sam ïa ka bording. Nalorkata, ka jingdawa bording ha ka jylla ka la nang kiew ha ka dor kaba 2.9% man la u snem hapdeng ka samoi treikam jong u snem 2024 bad u snem 2032 bad katkum ka kaiphod na ka tnad bording ka sorkar pdeng. Ban ïaid bad pynïadei ryngkat bad kane ka jingdawa, donkam ruh ïa ka jingthmu kaba biang, ka bording kaba lah ban shaniah, kaba kotbor da baroh bad kaba ïadei bad ka mariang. Ki bynta jong ki kor solar bad ki kor buh battery ki ai kawei na kiba kum kine ki lad na ka bynta ki jingthmu kiba biang namar ka jinglut jong kine ki teknoloji ka la nang hiar katba nang mih ki sngi.

Shaphang ka WRI India

Ka WRI India, ka dei ka seng kaba ai jingïarap ha ka rukom kaba laitluid bad kaba la pynrung kyrteng katkum ka India Resources Trust, ka ai ruh ïa ki jingtip kiba shisha bad ki jingtyrwa kiba lah ban leh ban kyntiew ïa ka roi ka kiew kaba ïadei bad ka mariang bad ruh bad ka imlang ka sahlang. Lyngba ka jingwad bniah, ka jingbishar bniah, bad ki jingai jingmut, Ka WRI India ka buh ïa ki jingmut ha ka rukom treikam na ka bynta ban shna ïa ki lad ki lynti kiba wanrah ka jingkylla ban ïada ïa ka pyrthei, ban kyntiew ïa ka rukom im, bad pynbha ïa ka longbriew manbriew. Ban tip kham bniah: leit sha ka https://wri-india.org/

Ki jingpyniai kaba dei bad ki lad pathai khubor:

Shivani Shah, shivani.shah@wri.org, +91 99868 77364 

Vaibhav Pahel, vaibhav.pahel@wri.org, +91 85278 58364